Kommunini atorfillit imminnut illersorsinnaanngussapput
Pisortat suliffeqarfiutaanni sulisut amerlasuut imminnut illersornissamut pikkorissartinneqarnissaat pisariaqartinneqartoq takusinnaasimagitsit, Selvforsvar.dk-mi sungiusaasartoq Henrik Kratlund aviisimut Kristeligt Dagbladimut oqarpoq.
Selvforsvar.dk-mi sungiusaasartut imminut illersorsinnaanissamut periutsinik ineriartortitsisimapput, imminnullu paarisinnaanissaminnut sullitamilu ajoqusinnginnissaanik periuseqarlutik pikkorissartitsisarlutik.
Pikkorissartitsisarnerilli iluaqutaaginnanngitsut immikkut ilisimasalimmit oqaatigineqarpoq:
- Imminut illersornissamut pikkorissartinneqartut, ingammik sivikitsumik pikkorissartinneqartut, pikkorissartinneqarnerminni ilikkakkatik puigortarpaat, pisariaqartinneqarfiinilu ajortunik kinguneqartarlutik, tarnip pissusaanik ilisimasalik Jørgen Møller Christiansen oqarpoq.
