Kommunini aaqqissuusseqqinneq qinersisartunit naliliiffigineqartussanngorpoq

Kommunenut qinersinermi apriilip arfineq pingajuanni pisussami, nunatsinni aaqissuusseqqinnerit annersaat qinersisartut naliliiffigisussanngorpaat.

Kommuninik aaqissuusseqqinneq eqqunneqarpat inuttaasunut sullissinerup pitsaanerulernissaa politikkikkut oqariartuugigineqartut ilagaat. Kommunillu 18-iusut sisamaannanngortinneqarpata tamanna eqquutissanersoq apeqqutaalissaaq.

Atuarfeqarneq, sanaartorneq, inuussutissarsiuteqarneq, ineqarnermut kultuureqarnermullu oqartussaaffiit kommunenit tiguneqartussaapput.

- Tamannali isumaqanngilaq ulloq taanna nallerlugu suliassaqarfiit tamakkiisumik isumaqatigiissutigineqareersimassasut, kommunet kattuffiini pisortaq Martha Labansen oqarpoq.

- Ikaarsaarfeqarnissarput piareersimaffigaarput, qanoq qaqugulu suliassaqarfiit assigiinngitsut Namminersornerullutik oqartussanit kommunerujussuassanut nuutsinneqassanersut ataatsimoorluta aalajangertussaavarput, Martha Labansen oqarpoq.

Nunap kommunenut sisamanut aggornera ima isikkoqalissaaq:

Kitaata avannaa, ullumikkut arfineq pingasunik kommuneqarfiusoq "Avannaa"-mik taaguuteqassaaq. Ullumikkut qinikkat 21-iusut siunissami kommunerujussuarmi arfineq pingasunik sinniisoqalissapput.

Kommuneqarfik Qeqqani kommunit marluk kattutissapput, taamaasillutik marlunnik sinniisoqalissallutik.

Kangia-Kitaa, Nuup kommunea ilanngullugu kommuninit tallimanit peqataaffigineqartoq, 2009-mi januaarip aallaqqaataa aallarnerlugu tallimanik sinniisoqalissallutik.

Nunatta kujaterpiaanni kommunerjussuassami ullumikkut qinikkat 15-isunit aaqqissuusaanermik iluarsaaqqinnerup kingorna, qinikkat pingasunngussapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat