Kommunimut qinigassanngortittoq: Sulineq akilersinnaasariaqarpoq
Inuppassuit pisortanit ikiorsiissutinik pisartagaqartut, kommunillu siunissami qanoq isillutik tamanna aningaasassaqartissaneraat pineqarpoq. Ane Lone Bagger isumaqarpoq pisortanit ikiorsiissutinik pisartagaqaannarneq ima akilersinnaatigisoq, allaat amerlasuut suliffissarsiornissartik orniginartinnagu.
-Ajoraluartumik inoqarpoq peqqikkaluarlutik sulisinnaagaluarlutillu sulinngitsunik. Ajoraluartumik inoqarpoq pisortanit ikiorsuussiissutinut taarsiullugu sulinngiffeqarallarnermi ikiorsiissutinik pissarsinissaminnut naammaqqatartumik suliarsartunik. Sulinngiffeqarallarnermi ikiorsiissutinik pisartagaqareernerup kingorna pisortanit ikiorsiissutinik pisartagaqaleraangamik sulilersinnaanngoriasaartarput. Ajornaluartumik inatsisiliorneq ilaasa taamatut atorluarniartarpaat, Ane Lone Bagger Qaasuitsup Kommunia Demokraatineersoq isumaqarpoq.
Inuiaqatigiinnili inoqarpoq inuunertik tamaat sulisimasunik maannalu siusinaartumik soraarnerussutisiaqalersimasunik, taakkulu naleqquttumik inuusinnaanngillalluunniit. Inatsisiliorneq malillugu aapparisap isertitai najoqqutaralugit aalajangersarneqartarmata taamatut inississimapput. Ilaallumi suunngitsuaqqamik pisartagaqartuupput.
-Tamanna allanngortittariaqarpoq. Peqqissut pisinnaasuillu pisortanit ikiorsiissutinik pisartagaqaannarnissaat akilersinnaasuujunnaarinneqassaaq. Inuunini tamaat sulisimasoq ataqqineqartumik pineqartariaqarpoq. Nunatsinni sulineq akilersinnaasariaqarpoq, Ane Lone Bagger isumaqarpoq.
