Kommunimut qinersineq: Qeqqata Kommuniani Atassutip piumasai

KNR partiinut tamanut kommunini sassartitaqartunut apeqqutinik arfinilinnik nassiussinikuuvoq.

Uani Qeqqata Kommuniani Atassutip akissutai atuarsinnaavasi.

Meeqqat atuarfianni atuartut pikkorinnerulernissaat, partiivit qanoq qulakkeerniarniarpaa?

- Atassummiit nalornisiginngilarput meerartatta ilinniagaqarnissaat pingaartinnerpaagatsigu. Taamaammat meeqqeriviit meeqqallu atuarfiat ataqatigiissinneqarnissaat, meeqqat atuarfianniit ingerlariaqqiffiusumik ilinniarfiit ataqatigiissinneqarnissaat pisariaqarpoq. Taamaaliorniaraannili angajoqqaat peqataatinneqassapput, meeqqat meeqqerivianiinneranniit angajoqqaat attaveqaataasassapput, taamaalillutik meeqqap ingerlariaffiusunik ilinniagaqalernissaasa tungaanut angajoqqaat malinnaatinneqarsinnaallutik. Meeqqat angajoqqaaminnit tapersersorneqarnissartik pingaartippaat, tamannalu aqqutigalugu meeqqat atualernissaminnut piareersimanerusutut misigisimassammata.

AAMMA ATUARUK Atassutip Suleqatigiissitsisullu Inatsisartunut qinigassanngortitaat

Qanimut suleqatigiinnikkut meeqqap suna immikkut pisariaqartinneraat atuarfeqarfiup ilisimanerusinnaavaa. Aappaattut atuarfiit pitsaasut atortussasu pitsaasut pigineqarnissaat Atassummit sulissutigerusupparput, nunatsinni ilinniarfissat pitsaanerpaat siunissami angorusuppagut.

Nunaqarfinni illoqarfinnilu inukinnerusuni najugallit, illoqarfinnut annerusunut nuuttarnerat qanoq iliornikkut unitsinniarnniarpisiuk?

- Inuit iloqarfinnut nussortarnerat ajoraluartumik taamaallaat nunatsinni ajornartorsiutaanngilaq, nunarsuaq tamakkerlugu taamaattoqarpoq. Illoqarfinnut nuttarnerit unitsikkuminaatsuupput, illoqarfiit nunaqarfiilu qanorluunniit angitigigaluarpata iluamik ingerlasut pisariaqartippagut. Assigiinngisitaarneq Kalaallit Nunaata nukitoqutiginerpaasa ilaanniippoq, nunaqarfiit illoqarfiillu imminnut qanikkaluartulluunnii sumiiffinni ileqqut assingiinngitsorpassuit piupput.

AAMMA ATUARUK Peqqinnissaqarfik danskinit akisussaaffigineqartariaqarnersoq Atassummit isumaliuutigigaat

Nunaqarfinni tunitsiviit anginerusunik qerititsivittaarnissaat qulakkeertariaqarpagut. Nunaqarfinni aqutsisut nunaqarfiup ineriartortinneqarnissaannut akisussaassuseqarnerusariaqarput, taamaaliornikkut aningaasaqarnikkut aamma ineriartorfiussaaq. Utoqqaat nunaqarfimmiinni najugaqaannarsinnaanissaat qulakkeertariaqarpagut, utoqqarnut naleqquttumik inissialiornikkut utoqqaallu illui amerlinerisigut.

Kommunimi tamani suliffissat naammattut partiivit qanoq qulakkiissavaa?

- Suliffissanik nutaanik pilersitserusuppugut. Inuussutissarsiornermut ilinniarfiit nussorneqarnissaat eqqartorneqangaatsiarpoq, Atassummiit takorloorparput Maniitsumi aalisarnermut suliffeqarfimmi atuarfeqalernissaa. Aalisakkanik suliffeqarfinnik marlunnik peqarpugut, taakkunani ilinniarsimasunik sulisunik pisariaqartitsivugut, taamaaliornikkut tunisassat pitsaanerusut tunisinnaanngorniassagatsigit. Aallartisaasinnaasunik innuttaasoqarnissaq sulissutigissavarput, taakku namminneq suliffeqarfimmik akimmisaarfeqaratik aallartitsisinnaanngorniassammata. Suliffeqarfiit namminersortut pioreertut peqatigalugit suliffinnik pilersitseqataasassaput.

Utoqqaat innarluutillillu ataqqinnittumik sullinneqartarnissaat, partiivit qanoq ililluni anguniarpaa?

Utoqqarnut isumaginninneq ukiuni kingullerni tusiattumik ingerlavoq, taamaammat Atassummiit utoqqaat pisinnaatitaaffiisa eqquutsinneqarnissaat tamakkiisumik ukkatarerusuppagut, taakkununngalu sullissisut pikkorissarneqarnissaat pisariaqarpoq, utoqqaat pisinnaatitaaffiinik tamakkiisumik ilisimasaqanngippata.

Atassummiit innarluutillit atugarissaartinneqarnissaat qulakkeerusupparput. Qeqqata Kommuniani iliuuseqarluta aallartereerpugut, innarluutillit siunnersuisoqarnissaat aallarnisassavarput. Soqutigisallit tamarmik qanimut suleqatigiinnerussapput.

Inuusuttut sunngiffimmi sammisassaqartittuarnissaat qanoq anguniarpisiuk?

- Sunngiffimmi susassaqartitsinermi pisortat aamma peqatigiiffiit qanimut suleqatigiinnerunissaannik Atassummiit kaammattuutigerisipparput, inuusuttullu isumaat tusarusuppagut, sunngiffimminni inuusuttunut suna tulluuttooq pilersineqassanersoq. Sunngiffimmi susassaqartitsivimmi pisortaq tamakkununnga tunngasunik piginnaaneqareerpoq ullumikkut, atassumiilli misissorusupparput Maniitsumi sunngiffimmi susassaqartitsivimmi pisortap ikiortissaanik atorfinitsitsinissamik pisariaqassanersoq. Taassumami akisussaafii matussusigassai siammasissuupput, soorlu, katersugaasiviit, nipilersornermi ilinniarfiit allallu. Suliassarpassuit ataqatigiissinneqarnissammata, Atassummiit tamakku qaqinneqarnissaat pingaartippagut.

Pinerluttuliortartut ikilisinniarlugit partii qanoq iliorniarpa?

- Det er et svært spørgsmål, men vi skal have fat i dem, som arbejder inden for disse områder og tale om løsninger. I dag mener vi, at man arbejder med de,t man kalder forebyggelse. Det er helt omvendt, forebyggelsen burde ske, inden man laver kriminalitet.

Så vi skal få vores socialområde og misbrugskonsulenter til at snakke sammen og drage nogle konklusioner om, hvordan de mener, man bedst kan løse disse problemer. En del kan jo være af kedsomhed, og der skal vi sørge for at fritidstilbuddene er bedre end i dag og mere målrettet.