Kommunimi qullersat tunuarput
Søren Hald Møller januaarip 15-iani 2011-miilli Kommuneqarfik Sermersuumi kommunaldirektøriusoq januaarip naanerani 2013-imi atorfimminit tunuartussanngorpoq. Kommuneqarfik Sermersooq nittartakkamini taama nalunaaruteqarpoq.
Isukasianili suliniummut atatillugu London Miningimut pingasoqiusamik isumaqatigiinniarnerup inaarsarnerani peqataassaaq, tassanilu Namminersorlutik Oqartussat, Kommuneqarfik Sermersuup London Miningillu akornanni IBA-mik taasamik isumaqatigiissuteqartoqartussaavoq.
- Pisortaanerup allaffissornikkut nalimmassaaneq aningaasaqarnikkullu suliat ingerlannerat piumasaqaateqarfioqisut pisariaqartullu siuttuuffigisimavai. Taamatuttaaq aaqqissuussaanerup nutaap ataqatigiissullu suliarinera siuttuuffigisimallugu. Søren Hald Møllerip London Miningimut IBA-mik isumaqatigiissusiornissap inaarsarnerani peqataajumanera qujassutigaara. Søren Hald Møllerip London Miningimut IBA-mik isumaqatigiissusiornissap inaarsarnerani peqataajumanera qujassutigaara, borgmester Asii Chemnitz Narup oqarpoq.
Stine Johansen pisortaanermut taartaagallartinneqassaaq.
William Kriegel Piorsaanermut Ingerlatsivimmi pisortatut 2012-ip naanerani tunuarpoq. Tamanna kommunimi aaqqissuussaanerup annertuumik allannguuteqartinneqarneranut atatillugu pissaaq.
2004-miilli Nuup kommunerisimasaani atorfeqalerpoq, taamani ASK-imi atuarfiup pisortaatut atorfeqalerluni. Kingorna Kommuneqarfik Sermersuumi ingerlatsiviit annersaanni piorsaanermut pisortanngorpoq. Tassani ulluunerani paaqqinnittarfiit, sunngiffimmi ingerlatsivik Piareersarfiillu qullersatut pisortaaffigisimavai.
