Kommuni nutaamik qullersassarsiussaaq
Henrik Rafn, Ilulissat kommuniugallarmat kommunaldirektøritut aallartittoq ukiunut killissaleriikkamik atorfeqarnera ukiumi nutaami naassaaq. Kommunaldirektøritut atorfimmut inuttassarsiuunneqartumut qinnuteqarsinnaanera mattunneqanngilaq.
- Qinnuteqartut tamaasa naliliiffigineqarnissaminnut periarfissinneqassapput. Aningaasaqarnermut ataatsimiititaliaq inassuteqartuussaaq. Kinali kommunaldirektøritut atorfinitsinneqassanersoq kommunalbestyrelsimit aalajangerneqassalluni, Qaasuitsup Kommuniani borgmesteri Jess Svane KNR.gl-imut oqarpoq.
Henrik Rafn Ilulissat kommuniani 2002-mi kommunaldirektørinngorpoq 2009-milu kommunit kattussuunneqarnerisa kingorna kommunerujussuanngornermi piffissap ilungersunartup ingerlaarfiginerani qullersatut sulisimalluni.
- Kommunit kattussuunneqarnerisa ilungersunartortaa qaangersimallugu oqarsinnaavugut. Piffissarli pissanganarsimasaqaaq, Jess Svane oqarpoq.
Kommunaldirektørinngortussaq marsip aallaqqaataani 2013 atorfinissaaq.