Kommuni innuttaasut peqqinnarnerusumik inooriaaseqalernissaanut ikiuisoq

Kommuneqarfik Sermersuup innuttaasunik inooriaatsiminnik allanngortitserusuttunik siorna ikiuinini iluatsilluartoq ukioq manna aamma ingerlateqqinniarpaa, kommuni tusagassiorfinnut nalunaaruteqarluni taama allappoq.
Assi © : whologwhy/Flickr Creative Commons
Allattoq Jonas Fievé
septembarip 14-at 2016 05:40
Nutserisoq Simon Uldum -

Innuttaasut aqqaneq-marluk siorna peqataapput, taakku inooriaatsiminnik, sanigornissaminnik nukersornerulernissaminnillu kissaateqarlutik.

Peqqinnissaq pillugu immikkut ilisimasallit marluk kommunimit sulisussarsiarineqarput, taakkulu peqqinnarnerusumik nutaamillu inooriaaseqalernissamut ingerlatseqataassapput.

Ingerlatsinermi sapaatit-akunnerinik aqqaneq-marlunnik sivisussusilimmi inuussutissat pillugit siunnersuisoqarlunilu ilitsersuisoqassaaq, imerpalasutortarnerit, nerisat tapiitut iioragassanik, timimik aalatitsinermik, pillorissuunermik aamma inuttut ineriartorneq pillugit ilinniartitsisoqarluni, Kommuneqarfik Sermersooq tusagassiorfinnut nalunaarutimini taama allappoq.

Peqataanissamullu soqutiginnikkaanni, peqataasinnaasut aqqaneq-marluinnaanerat, ingerlatsinerullu NUIF-imit filmiliarineqarnissaa, 2017-imilu KNR-ikkut aallakaatinneqarnissaa eqqumaffigineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq