Kommunerujussuit pitarlugit katersugaasiviit suleqatigiilersaarput
- Tamanna eqqaamaanngikkutsigu, taava katersugaasiveqarneq qeratavallaalissaaq, tassalu suleqatigiinneq siunissami pisariaqarpoq aammalu inuusuttunik sulisoqarnissaq eqqarsaatigalugu, Claus Andreasen radioaviisimut oqarpoq, nangillunilu periarfissat nutaat pitsaasut ornippavut.
Tassa imaappa soorlu kujataani katersugaasivinni kujataani pissutsinut tunngasut, Sisimiuni immikkoorutit immikkut Sisimiuni katersugaatigalugit?
- Taamaalluinnarpoq, katersugaasiviit piginnaanertik pitsaassusertillu suleqatigiissutigisariaqarpaat atorlugillu. Immikkut ilisimasalik katersugaasivimmi allami immikkullu allamik ilisimasalik katersugaasivimmi allamiilluni, taakkulu suleqatigiissapput. Tassa kultuurikkut oqaluttuassat assigiinngitsuummata, assigiinngutsumik oqaluttuarineqartariaqartut, tassalu nuna immikkoortukkaarluni katersugaateqarnermi taamaaliortoqarsinnaalluni.
Katersugaasiveeqqat nunattalu katersugaasiaviata akornanni suleqatigiinneq qanoq nalilersinnaanera apeqqutigineqarmat Claus Andreasen akivoq:
- Soorunami pitsaanerusinnaavoq, tamanna qularinngilluinnarpara. Tassa nunatta katersugaasivianitulli pitsaassutsimik nunap immikkoortuini peqaraanni, pissanganarnerulissaaq aamma pulaartartunut, nunatta katersugaasiviani souschef Claus Andreasen oqarpoq.
