Borgmesterit kommunerujussuanngornissamut killiffinnik ataatsimeeqatigiinnerminni Naalakkersuisunik ataatsimeeqateqarsinnaanissamik ujartuipput.
Ataatsimeeqatigiinnissami akisussaaffiit kommunerujussuarnit tiguneqartussat sammineqarumapput. Borgmesterit amerlasuut akisussaaffiit tunniunneqalersaartut pillugit tusartakkatik nuannarinngilaat kajumerinagillu.
- Inunnik isumaginninnermik allaffissuanngorusunngilagut, kommunerujussuassat aningaasarsiornikkut ineriartornermillu aamma pilersitsiffiussapput, taamaattumik inuutissarsiornermik ineriartortitsinermut akisussaaffinnik angallannermullu akisussaaffinnik aamma kommunit tunineqartariaqarput, Nuup kommuneani Borgmesteri Agnethe Davidsen oqarpoq.