Kommunerujussuarni akileraarutit aaqqissuunneqarnissaat akerleriissutaavoq
- Isumaqarpugut Kommunerujussuit namminerisamik akileraarutitigut aalajangersaasinnaajunnaarsinneqarnissat isumaliutersuutitsialaanngitsoq, pissutigalugu Kommunerujussuit Naalakkersuisunit aningaasatigut atugassaqatinneqarnerat aammalu sanaartornikkut peqataatinneqarnerat killeqartorujussooreerpoq, taamaattumik kommunit aningaasanik qinnuuloornissaat aarleqqutigaarput. Aammattaaq isumaqarpugut Kommunerujussuit kiffaanngissuseqarnerat ataqqineqartariaqarto q, aammalu isumaqarluta kommunit innuttatik pisariaqartitatillu aallaavigalugit taakku akunnerminni aningaasalersueqatigiinnerat pitsaasumik siunnerfeqartoq paarilluarneqartariaqartoq, Aleqa Hammond oqarpoq.
Naalakkersuisut siulittaasua tamatumunnga ima akivoq:
- Akileraartarnermut allannguinissat eqqarsaatigalugit aammalu kommunit akornanni naligiinmnerulernissamik aningaasarsiornikkut siunertaqarneq, taamaalillunilu innuttaasut akornanni naligiinnerulernermik siunertaqartoq anguniassagutsigu, taava Nunatsinni innuttaasut amerlanngeqisugut assigiimmik akileraarsinnaanerput siunnerfigineqartariaqartoq inassuteqaataasoq aqqutissatsialaasoq oqaatigisariaqarpoq. Tamannali angusinnaanngikkutsigu, upernaap tungaanut kommunit isumaqatigiinniarfigineqarnissaat anguniarparput. Isumaqatigiinnermilu angussat naammaginarpata, taava neriuppunga Inatsisartut tamaasa tunuliaqutigissallutigit, Naalakkersuisut siulittaasuat Kuupik Kleist taama oqarpoq.
