Kommunerujussuanngorneq iluaqutissartaqarpoq

Bornholmimi misilittakkat upperissagutsigit kommunit kattussuunnissaat qilanaarisariaqarparput.

Bornholmimi kommunit tallimat 2003-mi ataasiinnanngortinneqarput, borgmesterillu, Bjarne Kristiansenip, oqaasii malillugit assigiinngitsutigut tamanna iluaqutissartaqarsimavoq.

- Siornatigut qeqertaarannguatsinni kommunini tallimani soorlu utoqqaat, atuarfeqarneq, meeqqanillu paaqqinnittarneq eqqarsaatigalugit kiffartuussineq assigiinngikkaluartoq maanna tamani assigiilerpoq. Siornatigut soorlu avatangiisinut tunngasunik kommunit ilaat ullup affaanut sulisoqaraluarput, taannalu aallaraangat napparsimagaangalluunniit suliassat unitsikkallarneqartariaqartarput. Tamanna qaangernikuuarput, tassa sukkanerusumik kiffartuussineq ingerlanneqalerpoq, borgemsteri oqarpoq.

Kommunit imminnut unammiuaartutut siornatigut suleriaaseqarnerat qaangerneqarsimavoq, maanna suleqatigiinnerulertoqarsimalluni.

-Soorunami politikerit innuttallu ataatsimut aaqqiissuteqartarnermik sungiussiniarnersut eqqumaffigisariaqarpoq piffissarlu pisariaqartoq atorneqartariaqarluni, sumiiffinni assigiinngitsuni pissutsit immikkut sunniiniarfigiunnaarlugit, aalajangikkat kommunerujussuanngortumi sumiluunniit assigiimmik sunniuteqarnissaasa sulissutiginiartarnerat sungiunniagassaagami, Bornholmimi borgmesteri, Bjarne Kristiansen oqarpoq.

Danmarkimi Bornholmimi kommuninik siullersaallutik kattussinikuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat