Kommuneqarfik Sermersuup 240 millionit koruunit sanaartornermut atorniarai

2017-imut missingersuutini, kommunalbestyrelsip marlunngormat akuersissutigisaani tamanna atuarneqarsinnaavoq. Sanaartugassanut ilaatigut Nuummi Tasiilamilu inuusuttunut kulturikkut illorsuarnut 240 millionit koruunit immikkoortinneqarsimapput.

- Missingersuutit siunnerfeqarluarput, taamaattorli pitsaasumik ineriartorneq kommunimit maanna atugarineqalersoq ikorfartussagutsigu pisariaqarput, borgmester Asii Chemnitz Narup taama oqarpoq.

- Inissiat, meeqqeriviit pisariaqartikkatsigit sanaartornerillu suliffinnik pilersitsisarmata sanaartugassarpassuarnik qulakkeerinissaq kommunalbestyrelsimit isumaqatigiissutigineqarpoq, borgmesteri tusagassiorfinnut nalunaarummi taama oqarpoq.

Illoqarfiit pingaarnersaat pillugu periusissaq akuersissutigineqareersoq nunaqarfiillu pillugit immikkoortumut pilersaarut kommunip nunaqarfiini tamani ineriartortitsinissamut periarfissanut sammisoq, missingersuutini tunngavigineqarput.
 
Missingersuutit kommunalbestyrelsimit isumaqatigiissumit akuersissutigineqarput.