Kommuneqarfik Sermersuumi ukiormanna kulturikkut aallartitassaq arfininngorpat toqqarneqassaaq
Nive Nielsen siorna kommunip kulturikkut aallartitaatut toqqarneqarpoq, kingornalumi ingerlalluarsimaqaaq. Ukiormanna kulturikkut aallartitassap taamatut ingerlassanersoq oqaatigiuminaappoq, taamaaratarsinnaavorli. Kina toqqarneqarnersoq Katuami arfininngorpat naapeqatigiinnermi saqqummiunneqassaaq.
Allattoq Peter Troelsen, Simon Uldum
februaarip 08-at 2013 05:15
Kommuneqarfik Sermersuup kommunimi kulturi suliniuniteqarfigaa. Aningaasaateqarfik Sermeq tapiissuteqartarpoq kulturillu iluani suliat suulluunniit aamma tapersersorneqartarlutik. Siorna tapiiffigineqarsimasut arfininngorpat ualikkut malunnartinniarneqassapput, aammalu nipilersortunik isiginnaartitsisunillu aliikkusersiusoqassalluni.
Kikkut 2012-imi tapiiffigineqarsimanersut atuarsinnaavat.
