Kommuneqarfik Sermersuumi qarasaasiatigut attaveqaatit oqarasuaatillu ajutooqqasut

Kommuneqarfik Sermersooq marlunngormalli qarasaasiatigut oqarasuaatitigullu attaveqaataani ajutooqqavoq.

Kommunemi qarasaasiatigut oqarasuaatikkullu attaveqatit ajornartorsiortitsipput.

Kommuneqarfik Sermersooq nittartakkamini taama allaaserisaqarpoq.

-  Pissutsit taamaaginnassappata, kiffartuussineq piffissami qaninnerusumi ajornakusoornissaa naatsorsuutigineqartoq. Nittartakkami taama allassimvoq.

Mailit, oqarasuaatit aamma sullissinermi systemit digitaliusut suli sunneqqaneqartut, kommune pingasunngornermi nalunaarpoq.

KNR-i sisamanngornermi kommunemut saaffiginippoq, attaveqaatit ajutooqqanerisa killiffiat paasiniarlugu, kommuneli saffiginnissutigineqartumut suli akissuteqanngilaq. Oqarasuaatikkut attaveqaatit aamma suli ajorpasipput.

Aningaasanik tunniussinerit kalluagaassangatinneqanngisut

Qarasaasiakkut attaveqaatit ajutooqqaneranni kommunemi allaffissornikkut innuttaasunillu kiffartuussinerit eqqorneqarput.

Taamaattumik kiffartuussinerit innuttaasunillu sullissinerit killeqartorujussuupput. 

Ajoqutaasup qanoq angitiginera kommunip ullup ingerlanerani paasigaa, systemillu eqqorneqarsimasut isumannaatsumik aaqqinneqarnissaat qulakkeerniarlugu qarasaasialerisut sulisut, kommuni nittartakkamini pingasunngonermi allappoq.

- Kommunimi sulisoqarnermut isumaginninnermullu ingerlatsivimmi sulineq nalinginnaasumik ingerlavoq. Atuarfiit, ulluunerani paaqqinnittarfiit, utoqqarnik paaqqutarinninneq allallu innuttaasunut toqqaannartumik attaveqarnermut aamma isumaginninnermut tunngasut ammaannassapput sulisoqassallutillu, kommunip nittartagaani allassimavoq

Kommunemi immikkoortortaqarfiit ataasiakkaat mobilnormui attaveqarfigineqarsinaallutik kommunip nittartagaani aamma saqqumiunneqarput.

- Kommuni suli ammavoq innuttaasullu saaffiginnittut sullinneqarsinnaapput, sapinngisarlu aallaavigalugu innuttaasut suli kiffartuussinnaajumalugit immikkoortortaqarfiit amerlanerit digitali atornagu suleriuseqarnermik aallartitsipput.

Aningaasanik tunniussinerit ikiorsiissutinillu tunniusserit qarasaasiatigut ajutooqqanermi akornusigaanisssaat kommunemit naatsorsuutigineqanngilaq.