Kommuneqarfik Sermersuumi pisortat tamakkerput
Ungasinngitsoq tikillugu nunatsinni kommunit annersaanni pisortassaaleqineq annertusimavoq, maannali tassa tamakkerput. Mike Jakob Kristiansenip atorfinitsinneqarneratigut pisortaqatigiit tamarmiulerput. Mike J. Kristensen sanarfinermut avatangiisinullu ingerlatsivimmi pisortanngussaaq novembarillu aallaqqaataani atorfinissalluni.
Allattoq Peter Troelsen, Simon Uldum
septembarip 23-at 2013 09:28
Kristiansen siornatigut Nuup Kommuniani, qanga Nuup Kommunia suli atorallarmat, atorfeqareersimavoq, aammalu Aasianni Qeqqata Kommunianilu pisortartut atorfeqarsimalluni. Sanarfinermut avatangiisinullu ingerrlatsiviup pisortartaava illuliassanik titartaasartutut ilinniagaqarpoq.
Pisortaqatigiit sinneri tassaapput, pisortaaneq Steffen Ulrich-Lynge, Tamanut Kiffartuussivimmi pisortaq Marie Fleischer, Aningaasaqarnermut Sulisoqarnermullu Kiffartuussivimmi pisortaq Mette Kessel, Isumaginninnermut, Suliffeqarnermut Inussutissarsiornermullu Ingerlatsivimmi pisortaq Grethe Nielsen kiisalu Meeqqanut, Ilaqutariinnut Atuarfeqarnermullu pisortaq Søren Valbak.
