Kommuneqarfik Sermersooq kulturimut tunngasunik annertuumik iliuuseqarnialerpoq

Kommunalbestyrelsi tamarmiusoq, borgmester Asii Chemnitz Narupip kissaataanik ippassaq akuersivoq, tassalu ukiumut 3 millionit koruuninik aningaasartalimmik qinnuteqarfigineqarsinnaasumik aningaasaliisoqassasoq; Komuneqarfik Sermersuumi kulturimut tunngasunut aningaasaliissutinik taallugit.
novembarip 18-at 2009 05:46

- Nutaaliornermi ineriartortitsinermilu sipaarniartoqarsinnaanngilaq. Inuiaqatigiinni isumassarsiullaqqissut nutaaliorumassuteqartullu kommunerujussuarmi tapersersortariaqarpavut, "kusanartuliorneq peqqissaatitut", "kusanartuliorneq kulturilu aqqutissiuisutut", Asii Chemnitz Narup oqarpoq.

Tamanna kulturikkut annertuumik iliuuseqarusunnermik ersersitsivoq, kulturimut aningaasaliissutinik aqutsisussanik pilersitsisoqarpoq, taaneqartumik "Kulturimut siuarsaaneq pillugu siunnersuisoqatigiit", taannalu arfineq-marlunnik ilaasortaqassaaq. Politikerit sisamat aamma partiini siulittaasut sisamat.

Kulturi pillugu aningaasalissutit kulturikkut suliniutinut ineriartuutaasumik misileraataasunut iluaqutaassapput, aamma kulturikkut sulialinnut assigiinngitsunut, namminersorlutik inuussutissarsiutilinnut aammalu kommunimi innuttaasunit iluaqutigineqassallutik.

"Kulturimut siuarsaaneq pillugu siunnersuisoqatigiit" atuutilersinneqareersimalerpata qinnuteqarfigineqarsinnaanera siulleq tamanut nalunaarutigineqarumaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq