Illoqarfimmilu inissaaleqiffiusumi, maannakkut iliuuseqartoqarnissaa pisariaqartipparput, Borgmester Charlotte Ludvigsen oqarpoq.

Kommuneqarfik Sermersooq: Inissiat INI-p aqutai atorneqanngitsut tigutigit

Innuttaasut Nuummut nuuttut 2019-imi ukiup siulianut sanilliullugit 400-nik amerleriarsimapput. Taamaammat Kommuneqarfik Sermersooq tamanut inissianik attartugassaqartitsiniarnerminut malinnaasinnaajunnaaqqavoq.

Inissiat INI A/S-ip aqutai Nuummiittut Kommuneqarfik Sermersuup akisussaaffigilerusuppai.

Nunatsinnimi illoqarfiit pingaarnersaannut nuuttut amerligaluttuinnartillugit inissiat attartugassat amigaatingineqaleraluttuinnarput.

- Maannakkut iliuuseqartoqarnissaa pisariaqartipparput, Borgmester Charlotte Ludvigsen oqarpoq.

Nuna tamakkerlugu inissiat inoqanngitsut qanoq amerlatigineri Justus Hansenip (D) paragraf 37 atorlugu ineqarnermut naalakkersuisumut apeqqutigai. Nuummiinnaq init attartorneqarsinnaasut 108-t inoqanngitsut akissummi paasinarsivoq.

AAMMA ATUARUK Oquup ajornartorsiutaanera ingasaassaavoq

Nutarterineq, oquiaaneq, attartortikkuminaannerilu pissutigalugit init najorneqanngitsut, naalakkersuisup Karl Frederik Danielsenip akissummini allappoq .

Illoqarfimmilu kommuunip attartortittagaanut Iserit A/S-imut utaqqisut 2000-it sinneqartillugit Namminersorlutik Oqartussat Inissiaataat atorneqanngitsut atorluarneqarsinnaakutsoortut borgmesteri isumaqarpoq.

- Kommuneqarfik Sermersuumi inissaaleqinerup kingunerluutigisartagai annertuut naammattoortarpavut. Ilaatigut angerlarsimaffeqanngitsuuneq aammalu suliffeqarfiit illoqarfimmut sulisussaminnik pissarsiniarnissaannut periariarfissanik amigaateqarnerat, Charlotte Ludvigsen oqarpoq.

- Qularinngilluinnarparalu inissiat 108-t atornagit uninngatiinnarnavianngikkigut.

Ineqarnermut naalakkersuisoq Karl Frederik Danielsen KNR-imit kissaat pillugu oqaaseqartinniarsarigaluarparput ullumikkulli pisinnaanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat