Kommunefogedi qunusaarneqartoq
33-nik ukiullip tallimanngormat nalaatsornerinnarmi saneqquttoq kiinaatigut tillumammagu Nuussuarmi kommunefogedi aggersarneqarpoq.
- Kommunefogedip ikiortaatalu 33-nik ukiulik saviminernik paffequserpaat nunaqarfimmilu eqqissititsillutik, Upernaviup politiivini pinerluttulerisoq, Mads Arensbach oqarpoq.
33-nik ukiullip tamatuma kingorna kommunefogedi toqunniarlugu qunusaalerpaa, taamaasimmallu Upernavimmi politiit qulimiguulik atorlugu Upernavimmiit aasariaqarsimavaat.
Politiit misissuineranni aamma paasineqarsimavoq angutip nuliani ullut marlussuit sioqqullugit annersarsimagaa.
33-nik ukiulik ulluni 27-ni tigummigallagassanngortinneqarpoq pisunut pingasunut unnerluussaalluni. 40-nik ukiulimmik annersaasimanini, kommunefogedimik qunusaarisimanini nuliaminillu annersaasimanini pillugit.
