Kommunefogedit ukiorpassuarni sulisimanertik pillugu nersorniarneqartut
![](/sites/default/files/styles/image_934x467/public/article_images/ceqgqqvukza7kbhdgmfm.jpg?itok=tHKC_9fD)
Edvard Immanuelsen, Kangersuatsiameersoq, Isak Christensenilu, Upernavik Kujallermeersoq, kommunefogeditut ukiuni 25-ni aalajaallutik sulisimanertik pillugu nersorniarneqarput, tamannalu pillugu diplominnatinneqarlutik.
Kalaallit Nunaanni politiit tusagassiuutinut taama nalunaaruteqarput.
Kommunefogeditut sulineq unammilligassarpassuaqarsinnaasoq, nersorniarneqartut nersorniarneqarnerminni namminneq oqaatigaat, ilaqutariinnullu aamma sunniuteqarsinnaasoq oqaatigalugu, assersuutigalugumi pinerluuteqarsimasup politiinit aaneqarnissaanut ullualunni paarineqarsinnaasarpoq.
![](/sites/default/files/styles/image_934x467/public/ubrp5kouage2tii1a3hf.jpg?itok=r5lb3dDW)
Kommunefogedi Jørgen Isak Christensen diplomertaanilu(saamimmit tulliulluni nikorfavoq), nikorfaqatigai Lars Kirkegaard (saamerlerpaaq), stabschef, Henrik Mikkelsen, chefpolitiinspektør, aamma Preben Westh (talerperlerpaaq), nunap immikkoortuani pisortaq, tamarmik nunatta politiivineersuupput.