Kommune qimminut pitutaanngitsunut naammagiliisoq
Avannaata Kommunia Ilulissani qimmiutilinnut kaammattuuteqarpoq qimminik arfinilinnik qaammateqalereersimasunut pituttuisoqarnissaanut, qimmit pitussimanngitsut sapaatip akunnerata tulliani ataasinngornermit toqorarneqartussanngormata.
Taama Avannaata Kommunia nittartakkamini allappoq.
- Taamaattumik qimmillit qinnuigineqarput qimmitik angalaannartut pituttoqqullugit, qimmitik annaajumanagit iluatigigunikkit, qimmillit Avannaata Kommunianit taama kaammattorneqarput.
Qimmit tamarmik arfinilinnik qaammateqalereersimasut pitussimasussaanerannik imaluunniit ungaluukkaniitinneqanngikkunik mattusimaneqartussaanerannut kiisalu pituutaqartinneqarnissaannut qimmeqarneq pillugu Inatsisartut inatsisaat kommunip aamma innersuussutigivaa.
Taamatullu aamma kommunimit ilisimatitsissutigineqarpoq qimmit pitussimanngitsut toqunneqarsinnaasut piginnittumut taarsiinissamut akisussaaffittaqanngitsumik.
