Utoqqaat timikkullu illersuutissakitsut illersuiniarneq, aningaasarsiaqarnermikkullu eqqissillutik siulliullutik pisiniarsinnaanissaat pissutigalugit taama aalajangertoqarpoq.Assi: Ane-Marie Hansen/KNR

Kommune Qeqertalik utoqqalinersiutilinnut akissarsiaartitsiniartoq

Kommune Qeqertaliup pisiniarfiit akissarsiffimmi, coronap kipiluttunarnerani ulikkaarvitsinnianngilai.

Coronavirus nunarsuarmi siaruaakkiartormat Kommuni Qeqertalimmi utoqqalinersiallit siusinaartumillu sulisinnaajunnaarnersiutillit aningaasarsisussat ullumik ataatsimik siusinaarlutik aningaasarsitinneqarnissaat kommunimit aalajangerneqarpoq.

Tassalu marsip ulluisa 30-anni aningaasarsitinneqartussanngorput.

Kommuni Qeqertalimmit tusagassiuutinut taama nalunaaruteqarput.

AAMMA ATUARUK Tamaat isigalugu: Coronavirus pillugu killiffik

Utoqqaat timikkullu illersuutissakitsut illersuiniarneq, aningaasarsiaqarnermikkullu eqqissillutik siulliullutik pisiniarsinnaanissaat pissutigalugit taama aalajangertut kommuni allappoq.

Utoqqalinersiallit aamma siusinaarlutik sulisinnaajunnaarnersiutillit ullormik ataatsimik sioqqutsillutik aningaasarsisassanersut qaammammiit qaammammut nalilersorneqartarumaartoq kommunimit allapput.

Isummersuutit