Kommune Qeqertallip saqqarmioq nersornaasiuttagassaa, aamma Nersorsaammik taaguuserneqartoq, Kommune Qeqertalimi innuttaasunut nunattaluunnit avataaneersunut tunniunneqartarsinnaassaaq.Assi: Kommune Qeqertalik

Kommune Nersornaammik saqqarmiuliisalernialertoq

Kommune Qeqertalik namminerisimanik saqqarmiumik nersornaasisalernialerpoq. Nersornaat kommunip inoqarfiini aqqaneq-marlunni ukiumut ataasiarluni tunniunneqartassaq.

Nersornaat nutaaq, Kommune Qeqertallip nersornaasiuttagassaa, pilersinneqarsimalerpoq.

Taama kommune nittartakkamini allappoq.

Kommune Qeqertalimmimi kommunalbestyrelsi septembarip 30-ani 2019-imi ataatsimiikkami aalajangersimavoq kommune siunissami namminerisaminik nersornaammik tunniussisalissasoq.

- Saqqarmioq Kommune Qeqertalimmi innuttaassusilinnut nunamiluunniit allamiutut innuttaassusilinnut Kommune Qeqertalik pillugu, tamatumanittaaq kalaallit oqaasii, piorsarsimassusiat, isigineqarnerallu pillugu annertuumik nersortarialimmik suliniuteqarsimasumut tunniunneqarsinnaavoq, kommune ilaatigut taama nalunaaruteqarpoq.

Kommunip saqqarmioq nersornaasiuttagassaa, aamma Nersorsaammik taaguuteqartoq, borgmesterimit, kommunalbestyrelsimi ilaasortanit imaluunnit nunaqarfiit aqutsisuinit tunniunneqarsinnaasassaaq.

Ukiumut saqqarmiuliinerit aqqarneq-marluk

Kommune Qeqertalillu naapertorlugu saqqarmioq nersornaat kommunip inoqarfiini aqqaneq-marluusuni ukiumut ataasiarluni tunniuneqartassaaq.

- Pissutsini immikkut ittuni taamatut amerlassusiliineq qullersaqarfimmit INUA-nit borgmesterimillu peqateqartumik sanioqqunneqarsinnaavoq, kommune taama allappoq.

Saqqarmiup nersornaatip tunniunneqarnerata saniatigut diplomimik aamma tunniussisoqartassaaq. Taakkuali tamarmik immikkut pisoqartillugu arsaarinnissutigineqarsinnaassapput:

- Kinaluunniit saqqarmiumik tigusisoq tunineqarsinnaannginnermut pissutsinik iliuuseqarsimappat, Kommune Qeqertaliup qullersaqarfiata aalajangersaaneratigut saqqarmioq tassannga arsaarinnissutigineqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat