Kommune Kujallermi atuartunik nerisitsisarput
Meeqqanik kaattunik naammattuuisarneq tunngavigalugu atuartunik nerisitsisalernissaq piviusunngortinneqarpoq,
- Meeqqat pisariaqartitsisut tamarmik ikiorneqarnissaat tamaani politikerit kissaatigaat. Aammattaaq atuarfimmi nerisitsisalernerup malitsiganik atuartut malinnaalluarnerulernissaat siunertaavoq, Kommune Kujallermi atuarfeqarnermut meeqqeriveqarnermullu pisortaq, Jens Korniliussen oqarpoq.
Atuartut tamarmik nerisinneqarnissamik neqeroorfigineqassasut Namminersornerullutik Oqartussanit tapiiffigineqarnissamut piumasaqaataavoq.
- Nunaqarfinni atuarfiit ajornannginnerusumik aaqqissuisinnaagamik, taakkua aallartiaarnerupput. Tusarparalu atuarfimmi nerisitsisisalernerup kingunerisaanik meeqqat eqiinganerullutillu atuartitsinermut malinnaanerusartut, Jens Korneliussen oqarpoq.