Assi: Kommune Kujalleq

Kommune Kujallermi ajornartorsiutit suli aaqqiivigineqanngillat

Kommune Kujallermi isumaginninnermut siunnersortit arfineq-pingasut suli inuttalerneqanngimmata, ajornartorsiutit ingerlaannaq aaqqinneqarnavianngitsut, kommunemi isumaginninnermut pisortaq oqarpoq.

 

Aamma atuaruk Kujalleq meeqqanut tunngasuni ukiup affaani ikiussavaat

Aamma atuaruk Kommune Kujalleq isumaginninnermi pisortaqaleqqittoq

- Inuttalersuiniarneq ajornartorsiutigaarput, kommunimilu inuerukkiartortillugu sulisinnaasullu ikiliartortillugit ajornartorsiutigut aaqqikkallarnavianngillat, Kommune Kujallermi isumaginninnermut pisortaq Dariusz Sobczynski oqarpoq.

Suliat pereersut isornartorsiorneqartut

Taassuma kommunimi ippassaq aatsaat pisortatut atorfinikkami sulianut suli pulalluarsimannginnini oqaatigaa, kommunilli ajornartorsiut piaartumik aaqqiiviginiarlugu sulissuteqartoq erseqqissaatigalugu.  

- Kommunip ajornartorsiuteqarnini ikiugassaaninilu pillugit nassueruteqarnera pitsaalluinnarpoq, pisortaq oqarpoq.

Aamma atuaruk Isumaginninnikkut siunnersortit utaqqisinnaanngikkaat

Aamma atuaruk Kommune kujalleq annertunerusumik ikiugassaavoq

Kommunip ajornartorsiuteqarnini nassuerutigereeraluaraa, isumaginnittoqarfimmi ajornartorsiup annertussusaanik KNR-ip saqqummiinera sakkortuumik allamut saatsitsinertut isigigitsik, kommunimiit allapput. Suliammi taakku tusagassiutitigut eqqartorneqartut pereersimasuusut, kommuni allappoq.

- Ullormit sulilerfinnit takusinnaavara pitsaasumik ineriartortoqartoq, pisortaq erseqqissaavoq.

Aamma atuaruk Allakkat ernumalersitsisut

Aamma atuaruk Innuttaasut inatsisitigut isumannaassusaat aarlerinartoq

Suliassaqarfimmi pinasuartumik iliuuseqarniartut

Kommuni Namminersorlutik Oqartussani isumaginninnermut immikkoortortaqarfik suleqatigalugu ajornartorsiutinik aaqqiiniarnermi periusissatut pilersaarusiorput.

Pilersaarummilu ilaavoq isumaginninnermut siunnersortinut atorfiit nutaat sisamat, inatsisilerituutut atorfik ataaseq tarnillu pissusaanik ilisimasalittut atorfik ataaseq pilersinneqassasut.

Kommunillu isumaginnittoqarfia qaammatini arlalinni kingullerni Namminersorlutik Oqartussani isumaginninnermut immikkoortortaqarfimmit isumaginninnermut siunnersortinik sulisoqarnikkut ikorfartorneqarsimavoq.

Kommunilu ukiortaamiit nammineertussanngussaaq. 

Aamma atuaruk Akissarsiat amerlanerusut Kommune Kujallermit piumasarineqartut

Aamma atuaruk Kommune Kujalleq sakkortuumik isornartorsiorneqartoq

- Ilaqutariinnermut immikkoortortaqarfiup immaqa ukiup naalernerata tungaanut ikorfartussavaatigut, taassumali kingorna meeqqat pillugit suliat nammineerluta suliarisariaqassagatsigit isumaginnittugut sullissinissaminnut aalajaallutillu piukkunnartuusariaqarput, Kommune Kujallermi isumaginninnermut pisortaq Dariusz Sobczynski oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat