Kommune kujallermi aalisartut piniartullu pikkorissartinneqassapput
Pikkorissartut sammissavaat ikiueqqaarneq, ikuallattoqartillugu qamitsinerit, motoorit isumannaallisarneqarnerat, kiisalu aalisakkat piniarnermilu pisat tunissassiarineqartarnerat. Pikkorissartitsinermik aaqqissuisuupput Kommune Kujalleq aamma KNAPK.
Aalisartut piniartullu 14-it Narsamit Nanortalimmit Qaqortumillu pisut pikkorissartitsinissamut nalunaarsimappput.
Pikkorissartitsineq Kommune Kujallermi isumalluarifigineqarpoq, nunaqarfinni aalisakkanut tunitsiviit arlaqartut ammartussaammata, ilaatigut saarulliit qalerallit qeeqqat nipisallu suaat tunisaasiarneqalertussallutik, Kommune Kujallermi suliffeqarnermut ataatsimiititaliap siulittaasua Ole Mølgård - Motzfeldt oqarpoq. Pikkorissartitisneq marsip ulluisa aallaqqaataannit tallimaata tungaanut ingerlanneqassaaq, Qaqortumi sulisartut højskoleanni.
