Kommune Kujalleq Århusilu ikinngutigiilerput
Kommune Kujallermi atorfillit isumaqatigiissuteqarneq iluaqutigiumaaraat, borgmesteri Simon Simonsen aviisimut Jyllandspostenimut oqarpoq.
- Atorfilittatta Århusip kommuneani misilittakkat atorluarsinnaavaat, aamma neriuppunga kulturikkut paarlaasseqatigiittarnerit amerlanerusut aaqqissorsinnaagivut, timersortartugullu amerlanerusut Århusiliarsinnaassasut Simon Simonsen aviisimi Jyllandspostenimi taamatut issuarneqarpoq.
Århusip kommuneani borgmesterip Nicolai Wammenip illoqarfittut ikinngutigiinnermi isumaqatigiissuteqarneq nuannaarutigaa.
- Immitsinnut atorfissaqartittorujussuuvugut, siunissamilu suleqatigiinnissarput qilanaarivara, Nicolai Wammen oqarpoq.