Utoqqaat illuini najugallit ulluni makkunani coronaviruseqarnera pissutigalugu pulaartoqaqqusaannngillat, iPadili atorlugu maanna pulaartoqarsinnaanngorlutik.Assi: Kommune Kujalleq

Kommune Kujalleq utoqqarnut iPadit atorlugit pulaartoqarsinnaatitsisoq

iPadit Kommune Kujallermi utoqqaat illuanniittut tunillatsissinnaanermut aarlerinanngitsumik pulaarneqarsinnaatippaat.

Kommune Kujallermi utoqqaat illuini najugaqartut Covid-19-imut illersorniarlugit pulaartoqaqqusaannginnera kommunip Pisiffiullu suleqatigiillutik allanngortippaat.

Utoqqaammi illuini najugallit ulluni makkunani pulaartoqaqqusaannngillat, iPadili atorlugu maanna pulaartoqarsinnaanngorlutik.

Utoqqaat ilaquttaminnit ikinngutimminniillu iPad aqqutigalugu "pulaarneqarsinnaanngornerannut aaqqissuussineq, Kommune Kujalliup borgmesteriata Kiista P. Isaksenip nuannaarutigaa:

iPadsinik Narsamut Nanortalimmullu nassiussisoqassasoq

- Utoqqaat illuini najugaqartunut atortorissaarutit atorlugit pulaarsinnaanngornerup atorluarneqarnissaa neriuutigeqaara, Kiista P. Isaksen taama oqarpoq, nangillunilu.

- Utoqqartagut ulluni makkunani assut eqqarsaatigisarpakka. Aamma qularnanngitsumik ilaquttaminnik takusuuillutik ullut makku atorpaat. Aamma uaguttaaq ilaqutaasugut isigalugit, takutilluta peqqilluta ajornata, oqaloqatigiissinnaanerput pingaaruteqarmat, Kommune Kujallermi borgmesteri Kiista P. Isaksen oqarpoq.

Pisiffik Qaqortoq Kommune Kujalleq suleqatigalugu iPadiminik sisamanik tunissuteqarpoq. Marluk Qaqortumi ippassaq sisamanngornermi atorneqalerput, sinnerilu marluk Narsamut Nanortalimmullu ulluni tulliuttuni nassiunneqarumaarlutik.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7701
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 23-at 2020 nal. 10:45