Assi: KNR // Anton Gundersen Lihn

Kommune Kujalleq upalungaarsimanermut pisortassarsioqqilertoq

Tamanna pivoq upalungaarsimanermut pisortamik atorfinititsiniarnermi pissanganartorsiortoqareersorlu atorfinikkaluartoq tunuarmat.

Kommune Kujallermi upalungaarsimanermut pisortamik atorfinititsiniarnermi perulluliorneq suli uneqqajanngilaq.

Teknikkimut Avatangiisinullu Ataatsimiititaliap marlunngormat ataatsimiinnermini nutaamik pisortassarsiortoqassasoq aalajangerpaa.

- Nutaamik pissarsiornermik nittarsaassisoqaqqissasoq ataatsimiititaliaq tamarmiusoq aalajangerpoq, imaanngitsoq qinnuteqartut narrugineqarmata, ataatsimiititaliami siulittaasoq, Josef Petersen KNR-imut oqarpoq.

Taassuma aamma oqaatigaa atorfimmut qinnuteqarsimagaluartut qulingiluat qinnuteqaataat atorfiup inuttassarsioqqinnissaanut ilanngunneqarsinnaasut.

Ukiorpassuarni upalungaarsimanermut pisortaasimasoq upernaap ingerlanerani soraarninngormat, kommune tamakkerlugu upalungaarsimanermut pisortassamik atorfinititsisoqaraluarpoq.

AAMMA ATUARUK Qaqortumi qatserisartut arfineq marluk tunuarput

Qaqortumili qatserisartut toqqaanermut isumaqataanngillat. Taakkua piukkussartik atorfinitsikkusukkaluarpaat, taannali atorfinitsinneqanngilaq. Tamatumalu kingorna qatserisartut arlallit soraarput, peqatigitillugulu upalungaarsimanermut pisortanngortussaagaluaq aamma atorfininngitsoorluni.

Atorfik taanna ullumikkut upalungaarsimanermut pisortaagallartumit nakkutigineqarpoq.

Josef Petersenip pisoq uggornartutut ilungersunartutullu nalilerpaa.

- Arlaatigut tatisilluni aalajangersimasumik atorfinititsiniaqattaarnerit taakkua pissusissmisoortuunngillat, Josef Petersen oqarpoq.

Qaqugu atorfinititsisoqarnissaanut nittarsaassisoqalissanesoq sulisoqarnermut immikkoortortap aalajangiiffigissagaa, Josef Petersen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat