Kujataani timersoqatigiiffiit aningaasaliissutigineqartut 500.000 koruuniusut ukiup sinnerani qinnuteqarfigisinnaavaat. Toqqorsivimmit assi.Assi: KNR

Kommune Kujalleq kujataani timersornerup siuarsarnissaanut aningaasaliissuteqartoq

Kommune Kujalleq 500.000 koruuninik, Kujataani timersoqatigiiffiit unammiuaarnernik aaqqissuusserusuttut qinnuteqarfigisinnaasaannik, aningaasaliissuteqarpoq.

Timersornikkut aaqqissuussat ukioq manna ikittuararsuupput. Nunatsinni timersornikkut aaqqissuussat amerlanerpaartaat aallarteqqajanngitsut coronavirusip ajornartoortitsinerani taamaatinneqarput. 

Timersoqatigiiffippassuillu coronavirusip ajornartoortitsineranit eqqugaapput.

Taamaammat Kommune Kujalliup Kujataani timersoqatigiiffiit timersornikkut Kommune Kujalliup iluani aaqqissuussinissaannut kaammattorpai. Kommune Kujallerlu 500.000 koruuninik timersortartut angalanissaannut aningaasaliissuteqarpoq. 

- Timersoqatigiiffiit Kommune Kujallermi unammiuaarnernik aaqqissuuserusuttut aningaasanik qinnuteqarsinnaapput. Matumani Kommune Kujallermi timersorneq tapersersorniarlugu 500.000 koruunit kommunimi qinikkat aningaasaliissutigisimasaat qinnuteqartunut aningaasaliissutaassasut, kommuni tusagassiutinut nalunaarpoq.

AAMMA ATUARUK Kim Kielsen slår fast: Der bliver ingen grønlandsmesterskaber i år

Aningaasaliissutai 500.000 koruuniusut ukiup sinnerani qinnuteqarfigineqarsinnaapput.

Kujataani timersornikkut aaqqissuussanut tapiissutit aalajangersimasumik agguataarneqassasut, Kommune Kujalleq aalajangerpoq: Inuusuttut 18-iliineqanngitsut angalanerminnut 100 procentinik, inersimasut angalanerminnut 65 procentinik utoqqasaallu angalanerminnut 50 procentinik tapiiffigineqartassapput. 

Kommunillu timersortarfimmik attartorneq akilertassavaa. Kisianni nerisaqarneq ineqarnerlu nammineq isumagineqartassapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat