Kommune Kujalleq: Kanukokami siulittaasoq affaannanngorli
Kalaallit Nunaanni kommunit sisamaannanngornerisa kingorna, siunnersuutigineqaraluarpoq kattuffiup atorunnaarsinneqarnissaa.
Taamaattorli kommunit 18-ujunnaarnerisa kingorna KANUKOKA aaqqissuuteqqinneqartariaqartoq Kujataani kommunalbestyrelsi isumaqarpoq.
Kommune Kujalliup siunnersuutigaa, borgmesterit sisamaasut siulersuisuunermi ilaasortaassasut, aamma siulittaasutut parlakaattassasut.
Aamma isumaqarput siulittaasutut atorfik affaannanngortinneqassasoq.
KANUKOKA-p aqutsisoqarfia atorunnaarsinneqarluni immikkut ilisimasalittut sulisoqalersillugu periusissanik pilersaarusiornermillu sulisoqaannartinneqartariaqartoq, Kommune Kujallermi borgmesteri, Simon Simonsen, kommunalbestyrelsi sinnerlugu ilaatigut allappoq.