Kommunimut pilersaarut piareersarneqartoq ingerlatsivinni, taakkualu ataatsimiititaliaanni, akuerineqariaruni 2010-miit 2022-mut atuuttussaavoq.
Pilersaarut pillugu illoqarfinni Nanortalimmi, Qaqortumi Narsamilu innuttaasut tusarniaavigalugit ataatsimiititsinerit ingerlanneqassapput. Kommune Kujalliup nittartagaani tamanna allaaserineqarpoq.
Innuttaasunik ataatsimiititsinerit Nanortalimmi septembarip ulluisa 16-ianni aallartissapput, Qaqortumi innuttaasut oktobarip ulluisa aallaqqaataanni ataatsimiitinneqassapput, Narsamilu oktobarip ulluisa 14-ianni.
Taama pisoqartinnagu kommuninut pilersaarutit nutaat, kommuniusimasut pingasut taakkupisussatut pilersaarutigisimasaannik aallaaveqartut, innuttaasunit takuneqarsinnaanngortinneqassapput, taamaalillutik isummatik saqqummiussinnaassammatigik.
- Tamanna nittartakkatsigut pissaaq, ilaatigut allaganngorlugit saqqummersinneqassallutik, taakkulu naammassingajalerpavut, Kommune Kujallermi kommunaldirektøri, Jørgen Vetterlein, oqarpoq.
Allaganngorlugit saqqummersitat soorlu aningaaserivinni atuakkanillu atuartarfinni inissinneqarumaarput.