Kommune atornerluineq akiorniarlugu politikkiliorpoq
Atornerluineq akiorniarlugu politikki malillugu Kommuneqarfik Sermersuumi qullersat erseqqissumik akisussaaffilerneqarput.
- Politikkip ilaa pingaarutilik tassaavoq katsorsartinnissamut periarfissamik neqerooruteqarsinnaaneq, Kommuneqarfik Sermersooq kommunalbestyrelsep ataatsimiissutissaani allappoq.
Pisortat suliffeqarfiutaat allat assigalugit sulisut sulinerup nalaani imigassartoqqusaanatillu imigassamit sunnertisimasussaanngillat. Atornerluinermulli politikkit malillugit aamma sulisut ikiorneqartussaapput.
- Atornerluineq pillugu politikkimi qulakkeerniarneqarpoq sulisut tamarmik peqqissuunissaat atugarissaarnissaallu, sukkasuumik sullissilluarnikkullu suliniuteqarnikkut, Kommuneqarfik Sermersooq allappoq.
Atornerluinermut politikki kommuunimi immikkoortunut assigiinngitsunut tusarniaassutigineqarsimavoq.