Kommune atorfinitsitsisarnermik unitsitsigallarpoq
Kommune Kujallermi atorfinitsitsisarneq unitsinneqarallarpoq aggustip naanissaata tungaanut. Tamanna aalajangiunneqarpoq kommunabestyrelsep ataatsmiinnerani maajip qulingani pisumi.
Atorfiilli inuttarsarsiorneqaleersut atorfinitsitsisarunnaarallarnermit eqqorneqassanngillat taamatuttaarlu ulloq unnuarlu ulluuneranilu paaqqinnittarfinni kiisalu atuarfeqarfimmi. Kommune Kujalleq taama nalunaarpoq.
Sukannernerusumik aningaasanik aqutsilernermi aamma unitsinneqarallarput nutaanik pisiortornerit kiisalu pisariaqavinngitsunik sulinermut atatillugu angalasarnerit.
- Kommunalbestyrelse missingersuusiornermut suleqatigiissitamik pilersitsivoq borgmesterimik, partiinit tamanit kiisalu aningaasaqarnermik suliaqartunit ilaasortaaffigineqartumik, Kommune Kujalleq taama nalunaarpoq.