Kommunimut qinersineq: Qeqqata Kommunimi Inuit Ataqatigiit piumasaat
KNR partiinut tamanut kommunini sassartitaqartunut apeqqutinik arfinilinnik nassiussinikuuvoq.
Uani Qeqqata Kommunimi Inuit Ataqatigiit akissutai atuarsinnaavasi.
Utoqqaat innarluutillillu ataqqinnittumik sullinneqartarnissaat, partiivit qanoq ililluni anguniarpaa?
- Utoqqaat, inuillu innarluutillit siunnersuisoqatigiivi qanimut peqatigilluinnartariaqarput, siunissamut isigisumik pilersaarusioqatigalugit, inuunerat oqinnerusumik angusaqartissinnaanngorlugit. Ass: sullissisut pikkorissartuarnerisigut, sullissineq qaffasinnerusoq angussagatsigu.
Unnukkut, unnuakkullu hjemmesygepljerskeqarneq eqqullugu, angerlarsimaffimmi passuttariallit ikiorserneqassapput.
Meeqqat atuarfianni atuartut pikkorinnerulernissaat, partiivit qanoq qulakkeerniarniarpaa?
- Assassorissatigut, atuarfeqarfigut, qitiusumik aallaavilimmik qulequtartariaqarput, tiimit tunniunneqartut isumatuumik, sunniulluartumillu ingerlanneqartariaqarput. Soorlu sanasunngorniarniartut, sananermik itisilikkamik aallussiffigineqartariaqarput, atuarfimminni. Taamaalillutik atuartut assigiikannersumik atuagarsornikkut, assassorissatigullu qaffasissumik angusititsisinnaalissagatta "katataqarata".
Nunaqarfinni illoqarfinnilu inukinnerusuni najugallit, illoqarfinnut annerusunut nuuttarnerat qanoq iliornikkut unitsinniarnniarpisiuk?
- Suliffiit nutaat, nunatta pissarititaanik nioqqutissiorfinngornerusariaqarput, atuutsinneqarnerulerlunilu. Taamaalilluni inukilliartornermut illuatungiuttunngortuutillugu.
Inuusuttut sunngiffimmi sammisassaqartittuarnissaat qanoq anguniarpisiuk?
- Massakkut pioreersut ingerlalluartut ingerlanneqaannassapput. Eqqumiitsuliornikkut allatigullu ineriartorneq Inuit Ataqatigiinniit aallutissavarput isumaqaratta kulturikkut nukittoqqutigut aallullugit inuusuttut akisussaassuseqartut pilersissagatsigit.
Qaanniornermik ilinniarfimmik pilersitsinissaq ujartussavarput.
Sunngiffik pinngortitamiit aallaavilik pilersinniarparput. Qeqqata kommunea pinngortitamik periarfissarissaartuusoq atorluarlugu.
Pinerluttuliortartut ikilisinniarlugit partii qanoq iliorniarpa?
- Pitsaaliunermut annerusumik aningaasaliisariaqarpugut, tassuunakkoorlugu pinerluttaalisitsineq anguneqarsinnaammat. Taamatullu susassaqarfiit sunngiffimmi, suli annnerusumik aallunneqarnerusariaqarput.
Politiit Atuarfinnut aamma inatsit pinerluttaaliisittinermut qaammarsaanerunissaat angusariaqarpoq.
Kommunimi tamani suliffissat naammattut partiivit qanoq qulakkiissavaa?
- Sanaartorneq ataavartoq suliffissanik pilersitsiviusarpoq taakkualu kingunerisarpaat illoqarfiup iluani aningaasanik kaaviiaartitsineruneq. Namminersortunut tapersersuineq ACB peqatigalutigu ineriartorteqqissavarput tassanilu aamma talittarfiit uagut kommunitut inerisarneri aallutissallutigit.
