Kommunalbestyrelsissani kommuneqarfiusimasut tamarmik sinniiseqartariaqanngillat
Kommuneqarfiit 2009-mi januaarip aallaqqaataaniit simaannanngortinneqarnissaat Inatsisartuni akuersissutigineqarpoq.
Kattuttoqarpat kommuneqarfiusimasut tamarmik ataatsimik aallartitaqartalernissaat taamaattoq isumaqatigiinngissutaavoq. Inatsisartuni illuatungiliuttut Demokraatit tassunga akerliupput. Akerliunertik Demokraatit siulittaasuata Per Berthelsenipima tunngaveqartippaa:
- Sapaatip akunneri sisamat matuma siornagut aalajangiunneqaraluarpoq nunatsinni sipaaruteqarnissaq anguniarlugu kommunerujussuanngortitsisoqassasoq. Sumiiffinnilu aalajangersimasuni inissanik tuniusisoqassanngitsoq. Tassungalu Lars-Emil Johansenip Hans Enoksenillu isumaqataallutik oqaseqarnikuunerat Per Berthelsenip erseqqissaatigaa.
- Inatsisartulli ataatsimiilernerisa nalaanni borgmesterit- tallimat Inatsisartuni aamma ilaasortaapput- allannguutissamik aningaasrapssuarnik naleqartussamik siunnersuuteqarput- kommunerujussuanngortitsinermi sumiiffiit assigiinngitsut issiatitaqartanissaat piumasaralugu. Taamaalillutalu sipaarutissatuat- qinigaasut akornanni ikilisaanikkut pinngorsinnaasut- minnerpaamik 220 million koruunit ukiumut sapangippavut.
