Kommunalbestyrelsini ilaasortat akissarsiaat aaqqinneqareerput
Qaasuitsup kommuniani borgmesterinngortussap Jess Svanep kommunalbestyrelsini ilaasortanngortussat akissarsiassaannik ujartuinera Naalakkersuisut siulittaasuata paasiuminaatsippaa.
Allattoq Elisa Isaksen
decembarip 31-at 2008 17:22
Hans Enoksen oqarpoq, decembarip 18-annili kommunalbestyrelsini ilaasortanngortussat ataatsimiinnersiutisiassaat nalunaarusiornikkut aalajangersarneqareersut.
Nalunaarut pineqartoq tassaavoq; Namminersornerullutik Oqartussat nalunaarutaat nr. 29, 18.decembari 2008-meersoq.
Nalunaarut taanna najoqqutaralugu kommunalbesyrelsimi ilaasortaq ukiumut 130.000 koruuninik ataatsimiinnersiuteqalissaaq. Taakkua saniatigut ataatsimiititaliani siulittaasunngortut ukiumut 350.000 koruunisiaqalissapput. Nunaqarfinnut aqutsisunut ilaasortaq ataaseq ukiumut 65.000 koruuninik ataatsimiinnersiuteqartinneqassaaq borgmesterilu ukiumut 785.000 koruuninik akissarsiaqartinneqassalluni.
