Kommunalbestyrelsi: Nuummi akileraarut allanngussanngilaq

Nuup kommuneata aappaagu 2006-imut 2007-imullu aningaasatigut missingersuutai kommunalbestyrelsep ataasinngormat aappassaannik akuersissutigai.

Nuummi innuttaasut akileraarutitigut atugaannik ukiuni marlunni tulliuttuni allanngutsaaliinissaaq kiisalu illoqarfiup immikkoortuata nutaap Qinngutta sanaartorfigineqarnissaa annertuumik aamma aningaasaliiffigineqarpoq.

Nuummi akileraarutip allannguuteqarani 25 procentiuinnarnissaa pingaarnerusutut akuersissutigineqarpoq.

Ilinniartut atuartullu ineqarfiannik sanatitseqqinnissamut aamma aningaasaliissuteqartoqarpoq.

Ukiuni sisamani tulliuttuni Qinngutsinni sanaartornissamut aningaasat katillugit 80 million koruunit immikkoortinneqarput. Taakku saniatigut Qinngutsinni timersortarfeeraliornissaq miniclubbiliornissarlu aamma aningaasaliiffigineqarlutik.

Nuummi mittarfissuassap piviusunngortinniarneqarnissaannut aningaasalersuineq ingerlaannassaaq. Inunnut isumaginninnermut atatillugu aningaasanik tigoriaannarnik ukiuni tulliuttuni aamma piareersimatitsoqarniarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat