Kommunalbestyrelsenik inissitsiserineq killeqarpoq
Kommunalbestyrelsenut qinersinermit sapaatip-akunneri marluk qaangiutinngitsulluunnit kommunini arlalinni suleqatigiinnissamik isumaqatigiissutit atorunnaarsinneqartarlutillu nutaamik borgmesterissamik toqqaasoqartarpoq.
Upernavimmi pingajussaa suleqatigiinnissamik isumaqatigiissuteqartoqarlunilu borgmesterissamik nutaamik toqqaasoqarpoq, Aasianni aamma aappassaa borgmesterissaq taarserneqarpoq. Kommunalbestyrelsemulli qinikkat qanoq sivisutigisumik taamaaliorsinnaappat, tamanna pillugu Namminersornerullutik Oqartussat Qinersinermut Ataatsimiititaliaani siulittaasoq Kaj Kleist akissuteqarluni oqarpoq, qinikkat isumaqatigiissutiminnik apriilip 30-ata tungaanut qanorsuaq allanngortitsisarsinnaasut.
-Apriilip 30-iani kommunalbestyrelset qinigaarlaat ataatsimiittussaapput, tassanilu nalunarunnaassaaq kikkut borgmesterinngorlutillu kikkut ataatsimiititaliani ilaasortanngussanersut.
Inissitsiterisoqareerpat qinersinermut ataatsimiititaliaq akusersusussanngussasoq, Kaj Kleist oqarpoq.
Namminersornerullutik Oqartussani Qinersinermut Ataatsimiititaliap siulittaasua Kaj Kleist taama nassuiaavoq.
Qinikkat arlaat Qinigaasinnaanermut Ataatsimiititaliamit akuerineqanngippat kommunalbestyrelse inissitsiteqqittariaqassaaq, taamaalisoqassappallu kommunabestyrelsemi inissitsiternerit apriilip 30-ata kingorna aamma pisinnaassapput.
