Kommissioni kinguarsaataaginnarpoq
- Isumaga naapertorlugu uuma kommissionip inerniliussassaa tassaassaaq suleqatigiissitat allat inerniliussarisarsimasaat, tassa kalaallit amerlanerusunik kalaallisut oqaasertalinnik kalaallit Nunaat pillugu isiginnaassaqarusunnerat. Taamaattumik isumaqarpunga kommissioniliorniarneq qarsutiinnarlugu KNR-imi siulersuisut qinnuigineqassasut kalaallisut aallakaatitat amerlinissaannik sulissuteqassasut, Jens Olsen Nuuk TV-mi pisortaq oqarpoq.
Kisiannili atorluarsinnaanerusunik isumasioqatigiinnermi saqqummersoqartoq Jens Olsen ima oqarpoq:
- Saqqummiunneqartut ilagivaat piumasaqaatit allanngortinnerisigut isiginnaagassat amerlineqarsinnaasut.
Erseqqissalaarsinnaaviuk?
- Tassa piumasaqaatit allanngortinnerisigut, tassa KNR-imi nutaarsiasssaqartitsivimmi pitsaassuseq qaffassaraanni taavalu tv-liornermi anguniagassat apparlugit, taava tv-liorneruneq sinerissami iluaqutaasussaq anguneqarsinnaassagaluarpoq.
