Kofoedskole inuunermi ingerlariaqqinnissamut aqqutissaq

Taama oqarpoq, Karo Olsen Jensen, Kofoedsskolep kalaallinut immikkoortartaani aqutsisoq.

- Assiginngitsut tungaatigut iluaqutigisartorujussuuaat, soorlu suliaqartarlutik sammisaqartarlutillu aammalu assigiinngitsut tungaatigut ajornartoriuteqaraangata suugaluartunilluunniit, soorlu aamma aningaasat tungaatigut, uagut ikiortarpagut aamma ajornartorsiutaat aaqqinniarsarisarlutigit. Taavali aamma uagut aaqqissinnaanngikkaagatsigit allanut ingerlateqqissinnaavagut, ataavartumik suleqatigigatsigit kalaallit illuutai aamma isumaginnittoqarfiit, massakkut aamma jobcenterit ilanngutillattaalerput sullisilluarumallugit kalaaleqatinnguagut maaniittut, ilaannilu aamma iluatsittartukassaavoq, Karo Olsen Jensen oqarpoq.

Tuperna Lynge ukiuni arlalinni suliffeqarsimanani kommunerisani aqqutigalugu suliffittaarnissani siunertaralugu Kofoedsskolemi sulinermik misiliivoq - tamannalu iluarisimaarpaa.

- Suliffissaaleqisutut kommunemiit suliffissarsiornikuugama, taava maani suliffimmik misiliisutut inissisimavunga. Suliffissaaleqisutut inissisimagaanni inatsisit maanna sakkortulinikuugamik suliffissaleqisut maani amerlaqigamik, uninngaannartullu amerlinikuullutik. Immaqa taamaattumik ueriinnarluta sivisuallaartumik pisartagarluta uningasoornikuulluta. Suliffissatsinnik piukkunnartumik ujarlernitsinni tapersersorneqartarpugut. Iluaqutaasorujussuuvoq eqiiallannaqaaq, Tuperna Lynge oqarpoq.