Kofoeds Skole Aalborgimiittoq pulaaqqusivoq

Folketingimi ilaasortaq, Doris Jakobsen, peqataasunut ilaavoq, Folketingimi sulinissaminut pilersaarutini taassuma saqqummiuppai.

Kalaaliminernik assigiinngitsunik ooqattaagassaqassaaq, eqqumiitsulianik saqqummersitsisoqassalluni, peqatigiiffillu Ikerasak suna suliarisarnerlugu nassuiaateqassalluni. Qallunaat kalaallillu ilernikunik katiterillutik aamma mersorput. Suliniutitullu nutaarluinnartut, Kofoeds Skolemi mersortartunik aallartitseqqammerput.

Kofoeds Skolemi atuartut 15-t assiliivilisarlutik illoqarfimmiissimapput, assinillu saqqummersitsinermik tamanna kinguneqarpoq, saqqummersitsineq taaguuteqarluni "Mit liv i Aalborg" - "Aalborgimi inuunera".

Assit illumi maanna saqqqummersinneqarput, takusaasullu tamarmik pappialamik taasiffissamik tunineqassapput. Assimmi pitsaanerpaat pingasut akissarsisinneqassapput, Aalborgimi Kalaallit Illuutaannit aningaasaliiffigineqartumik.

Kofoeds Skolemi pisortap, Helle Rønnip, oqarnera naapertorlugu, inuppassuit aggiareerput, assigiinngitsorpassuarnillu tunisisoqareerluni.