Kodap nersornaatai Qaqortumi tunniutissavaat
Ukiumut nersornaatisisussatut piukkunneqarput Henrik Høyer Jensen Kishima-meersoq, Frederik Kristensen aamma Kunngimik taaneqartatoq kiisalu Abel Brandt Unnuaq Bandimeersoq.
Nunatsinni nersornaatit assigiinngitsunut pingasunut agguataarneqarsimapput. Tassa 'Ukiumut nersornaat', 'Piukkunnaatilimmut nersornaat' aamma 'Ataqqinaammik nersornaat'. Nersornaaserneqartut tamarmik checkimik 25.000 koruuninik aningaasartalimmik tunineqassapput.
Toqqaasussatut kommite tassaavoq inuit nunatsinni nipilersornermut attuumassuteqartunik suliallit.
Nuusiorfiit, nutaarniarfiit illoqarfiillu radioqarfii nersornaaserneqartussanik innersuussaqartuupput.
Ukiumut nersornaammik tunineqartussat saniatigut piukkunnaatilittut nersornaasigassatut innersuunneqarput Kuno Hammond Thornstones-inniit, Nukannguaq Kajussen Nukannguamik taaguuteqarluni nipilersortartoq kiisalu Qaammataasaneersoq Pilo Grønvold.
Ataqqinaammik nersornaasigassatut piukkunneqarput Iisaavaraq Petrussen nipilersoqatiginnit Aalukkunneersoq, Juaaka Lyberth kiisalu Frederik Kristensen aamma Kunngimik taaneqartartoq.
Taamaasilluni Kunngi Kodap 2012-mi nersornaataanik marluinnik tunineqartussatut innersuunneqarpoq.
Koda taalliortut erinniortullu pisinnaatitaaffiinik illersuisuuvoq inuit naalagaaffeqatigiit iluanni tamakkuninnga suliallit 35.000-it missaat sullitaralugit.
