Kodap nersornaataanut uku piukkuppaat
Kodap nersornaasiisarnera ukiuni siuliini Sisimiuni Aasiannilu pisareersoq ukiormanna kulturikkut illorsuarmi Katuami Nuummi pisussanngorpoq. Nersornaatinik tunniussineq Akisuanerit Festivalimut uiggiutiinnarneqassaaq taanna septembarip 30-ani oktoberillu aallaqqaataani pissaaq. Nersornaasiineq pissaaq sapaat oktobarip aappaat.
Nersornaatit assigiinngitsut pingasut tunniunneqassapput. Ukiumut nersornaat tassaavoq 2010-mi immikkut maluginiarnartumik suliaqarsimasunut nersornaat.
Ukiumut nersornaammut nersornaasiinermut komitep uku piukkussatut saqqummiuppai:
Rene Mølgaard Fleischer Disco Bay Bluesimiit
Jenseeraq Olsen aamma Angutimmarik Petersen rockertartunit Uummammeersoq
John Geisler Sandgreen niplersoqatigiiinnit Sussat-neersoq
Piukkunnartutut nersornaat saqqummersunut nutaanut piukkunnartunut tunniunneqartarpoq. Piukkunnartutut nersornaasigassatut uku saqqummiunneqarput:
Juno Berthelsen
Nipilersoqatigiit Qanoor
Jenseeraq Olsen aamma Angutimmarik Petersen nipilersoqatigiit Uummat.
Kodap ataqqinaammik nersornaata siorna Sume-kkunnik pilersitsisunut Per Berthelsenimut aamma Malik Høegh-mut tunniunneqartoq, tassaavoq nunatsinni nipilersornerup silarsuaani isumassarsisitsisarlutillu ukiorpassuarni nutaaliortunut tunniunneqartartoq. Piukkunneqartut tassaapput:
Peter Olsen, Olsen Kids-ikkut ataataat aamma Nipiaa Rock Festivalimi siuttut ilaat.
Titken Jakobsen, nipilersortartoq tamatigoortoq. Rockimik nipilersortartuuvoq peqatigitigillugulu angutini erinarsoqatigiinni Qissiani aqutsisuulluni
Karsten Sommer, Sume-kkut saqqummerneranniilli nuusiarpassuarni immiussisitsisutut aamma nuusiorfimmi Ulomi pisortaasimasutut piukkunneqarpoq.
Nersornaaserneqartut tamarmik immikkut 25.000 koruuninik pissarsissapput kikkullu nersornaaserneqarnersut unnuk taanna aatsaat avammut tusarliunneqassaaq.
Kodap nersornaasinissaani ataatsimiititaliap inuttarai:
Juaaka Lyberth, siulittaasoq (Koda-mit toqqagaq)
Bjarne Olsen, Nuuk FM (sineriammi illoqarfiit radioqarfii sinnerlugit)
Leif Immanuelsen EPI (eqqumiitsuliortut kattuffiat sinnerlugu)
Hanne Sandvig, INNK (nipilersortartut kattuffiat sinnerlugu)
Kaalinnguaq Siegstad (meeqqat inuusuttullu siunnersuisooqatigiiffiat Sorlak)
Dorthe Olsen, Sermitsiaq-AG (aviisit sinnerlugit)
Kenneth Rasmussen (KNR Radio og TV)
