KODA unnugu nersornaasiissaaq

novembarip 24-at 2004 14:17

Erinniortut kattuffiata KODA-p nunatsinni immikkoortortaqarfiani nipilersortartunut erinniortunullu ukiumoortumik nersornaasiuttagai, tassalu Ukiup Nersornaataa, Isumalluarnartunut Nersornaat aamma Ataqqinaammik Nersornaat 2004 Katuaq-mi unnugu tunniunneqassapput.

Ukiup Nersornaataanut piukkussat tassaapput, Stinne Jacobsen, Prussic, Angu Motzfeldt Tupaarnaq Mathiassen aamma Enok Poulsen.

Isumalluarnartunut Nersornaammut piukkunneqarput, Lucas, Nuuk Posse-meersoq John Olsen, Henrik Høyer Jensen, Michael S.Christensen aamma Mads Lumholdt.

Ataqqinaammik Nersornaammut piukkunneqarput, Nuuk Posse-meersoq John Olsen, SIMIK-meersut qatanngutigiit Lynge, Enok Poulsen, Karl Sivertsen, Juaaka Lyberth aamma Peter O. Petersen.

Ullormut tassunga atatillugu nunatsinni nipilersortarfiit kalaallisuinnaq nipilersukkanik tusarnaartitsinissaannik aamma kajumissaarneqartarput.