Koda-p nersornaasiuttagai Qaqortumi tunniussuunneqartut

Koda-p nersornaasiuttagai assigiinngitsunut pingasunut immikkoortitat, Akisuanerit Festivaleqarneranut, Qaqortumi pisumut atatillugu agguanneqarput. Nersornaasiinerit immikkortut pingasut tassaapput, 'Ukioq manna nersornaat', 'Isumalluarnartumut nersornaat' aamma 'Ataqqinaammik nersornaat'.
Allattoq Apollo Jeremiassen
oktobarip 01-at 2012 07:17

Ukioq manna nersornaammik taassuminnga pissarsisoq tassaavoq, Kunngi, Frederik Kristensen siorna saqqummersitani nuuteeraq, 'Nunami maani' toqqammavigalugu nersorneqartoq.

'Isumalluarnartumut nersornaat' tunniunneqarpoq, siorna ilippanaateqarnerpaatut isigineqartumut, Kuno Hammond-imut nipilersoqatigiinni Thornstone-meersumut.

'Ataqqinaammik nersornaat' tunniunneqarpoq, ukiorpassuarni nipilersoqatigiinni siuttuulluni, kalaallit nipilersoriaasaanik tunniussaqarluartartoq, nipilersoqatigiit Aalummi pilersitsisut ilaat, Iisaavaraq Petrussen. Nipilersoqatigiit Aalut ukioq manna ukiuni 30-nngortorsiussapput.

Kodap nersornaasiinera pivoq Qaqortup timersortarfiani inuppassuarnik tusarnaariarneqartumi. Nipilersortartut erinarsortarlullu unnuup ingerlanerani tusarnaartitsisut ilaat tassaallutik Simon Lynge amma Aalut.

Nersornaaserneqartut tamarmik aningaasanik 25.000 koruuninik akissarsitinneqarput.

Aamma atuaruk