KODA nersornaasiingajalerpoq

Kalaallit nipilersortartut ukiumoortumik KODA-miit nersornaaserneqarnissaat qanillivoq. Koda-miit nersornaasiineq pissaaq Katuami, novembarip ulluisa 15-ianni. Maanna nalunaarutigineqarput kikkut nersornaatinut pingasunut piukkunneqarnersut.
novembarip 06-at 2007 15:32

”Ukioq manna nersornaat”, taalliortumut nipilersoqatigiinnulluunniit tunniunneqartarpoq, ukiorlu manna piukkunneqartut tassa Peter Motzfeldt, CD-liaa ”Tuumotz” pillugu, Kiiu Olsen Lima Inui-lu saqqummersitaat ”Pluto” pillugu kiisalu Iluliarmiut nipilersortartut Disco Bay Blues Band.

”Pikkorissumut nersornaat” ukioq manna suliaminut pikkorissutut maluginiarneqartumut, imaluunniit maluginiarneqartunut, tunniunneqartarpoq. Tassungalu piukkunneqartut tassaapput; Pilu Grønvold nipilersoqatigiillu Sonnet, bluesimik erinarsortartoq Varna kiisalu rappertartoq Michael Rosing, FEAT.

”Ataqqinaammik nersornaat” ukiut arlallit immikkut malunnaatilimmik kalaallit nipilersugaannut sunniuteqarsimasumut tunniunneqartarpoq.

Tassungalu piukkussat tassaapput; Ole Kristiansen, Jim Milne kiisalu Joorsi Sørensen.

Kikkut nersornaaserneqarnersut novembarip ulluisa 15-ianni paasissavarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq