Knud Rasmussen norskit timmisartuanni
Pineqartoq tassaavoq issittumi ilisimasassarsiortartoq Knud Rasmussen norskit timmisartuutileqatigiit Norwegian-ip timmisartortaavata Boeing 737-800-p paperuani assiliartaliunneqartussanngortoq.
Skandinaviami inuit tusaamaneqartut Norwegianip timmisartumi boeingit nutaat paperuinut assitaliuttarpai. Papeqqut sapiitsuliortuisa assigiissutigaat killeqarfiit qaangerlugit nutaanik misissuisaramik ileqqutoqqallu nutarternissaat unammillertarlugu, timmisartuutileqatigiit taaman nalunaarput.
Knud Rasmussenillun norskit timmisartuannut assitaliunneqartussanngornera aamma quinartartortaqalaarpoq. Tassami tunumut kikkut oqartussaanerat pillugu qallunaat norskillu isumaqatigiinnginneranni nunat tamalaat Haag-imi eqqartuussiviata 1933-mi aalajangerneranut Knud Rasmussenip ilisimasat katersai aalajangeeqataalluinnarsimammata. Taamanikkut aalajangerneqarpoq qallunaat tunumik piginnittuusut naak norskit ukiut marluk sioqqullugit oqartussaajumanertik saqqummiussimagaluaraat.
Aatsaat timmisartumut Knud Rasmussen atsiunneqalinngilaq. Tassami Air Greenlandip timmisartorsua siulleq 2010-mili tunineqartut Kunuunnguamik ateqarpoq, Knud Rasmussenip taaguutaa atsiunneqarsimalluni.