Knud Hertling Paamiuni inunngorpoq, qallunaamit palasimit, Svend Hertling-imit nukkanilu Jørgen Hertling meeravissiartaarineqarnermik kingorna Aasianni peroriartorlutik.
1956-imi Københavnip Universitetiani inatsilerituunngorpoq, ukiorlu taanna Grønlandsministeriami atorfinilluni. 1964-imi kalaallinit qinigaalluni Folketingimi ilaasortanngorpoq.
Folketingimi 1973-ip tungaanut ilaasortaavoq, aammalu oqaluttuarisaanermi kalaallini siullersaalluni Kalaallit Nunaannut ministeriulluni.
Knud Hertling 1973-imi Namminersorlutik Oqartussaanerup aallartisarneqarnissaanut ataatsimiititaliamik pilersitseqataavoq.
Ministeriujunnaarnermi kingorna Grønlandsrådip allatseqarfiani kingornalu Den Kgl. Grønlandske Handel-imi siunnersortitut sulivoq.
Knud Hertlingip partii Sukaq, saamerliuniartoq tamaakkaluartorli ingasaassinianngitsumik tunngavilik, 1970-imi pilersippaa, partiili sivikitsuinnarmik atavoq.
Knud Hertling Kalaallit Nunaat pillugu arlalinnik atuakkiaqarpoq, aammalu ataatani Peter Olsen - Ajoqinnguaq pillugu atuakkamik saqqummersitaqarpoq, erinarsuusiaanik cd-liaa ilanngullugu.