Assi: Simon Uldum

Knud Foldschack: Naalagaaffik aamma utoqqatsertariaqarpoq

Kalaallit 22-t 1952-imi pinngitsaalisaassummik Danmarkiliartinneqartut pillugit akisussaasuunini Danmarkip nassuerutigisariaqaraa, eqqartuussissuserisup ilisimaneqarluartup Knud Foldschackip oqaatigaa.

Kalaallit pineqartut ilaquttaminnit peerneqarlutik taamanikkut Danmarkiliartinneqarput:

- Akuersaarneqarsinnaanngilluinnartumik iliuuseqarfigineqarsimapput, utoqqatserfigineqarnerallu nuannaarutissaavoq, aamma ilaqutaat. Tassami ilaqutariit ajorluinnartumik pineqarsimapput, naalagaaffimmiillu utoqqatserfigineqarsimanatik, Knud Foldschack oqarpoq.

Aamma atuaruk ASSIT Meeqqat "misileraataasimasut" sisamat maanna utoqatserfigineqarput

Taanna DR Radiop aallakatittagaasa ilaanni "Søndagsfrokosten på P1"-imi taama ilaatigut taama oqarpoq. Suliniaqatigiiffiup Red Barnetip qanittukkut utoqqatsernera aallakaatitami pineqartumi eqqartorneqarpoq, taamatullu utoqqatsertoqarnera sumut atorneqarsinnaanersoq aamma eqqqartorneqarluni:

- Taama utoqqatsertoqarnera sumut atorneqarsinnaanersoq qularutigineqarsinnaanngilaq, nalissaqanngilaq. Danskit ministeriunerata tassunga atatillugu aamma oqartariaqaraluarpoq: Aap, ilumoorpoq, naalagaaffiup tungaaninngaanniit aamma utoqqatserneruvoq. Taama oqartuugaluaruni utoqqatserneq atorneqarsinnaassagaluarpoq, knud Foldschack oqarpoq.

Inuiaqatigiinni inuuniarnermikkut ajornartorsiuteqartut pillugit suliniuteqartarnini taassuma ilisimaneqaatigaa, assersuutigalugulu Københavnimi inuusuttut ornittagaata Ungdomshusetip ilagiinnit Faderhusetimit pisiarineqarnissaanut aningaasaateqarfik sinnerlugu oqaaseqartartuulluni.

Aamma atuaruk Kalaallit meerartaannik misileraanermut peqataasimanini Red Barnetip ajuusaarutigalugulu utoqqatsissutigaa

Aamma atuaruk Ilsimasallip ammasumik pisoqarnissaa amigaatigaa

Aamma atuaruk VIDEO Saammaateqatigiinnissamut isumalioqatigiissitaq misissuisoqarnissaanik ujartuisoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat