KNT akiliisinnaajunnaartutut nalunaarutigineqartoq
KNT-p akiliisinnaajunnaartutut nalunaarutigeqarnerata suliarineqarnissaa sisamanngornermi novembarip 26-ani nalunaarutigineqartumik eqqartuussis-sutigitin-niakkamik tunuliaqutaqartoq nalunaarummi atuarneqarsinnaavoq.
Akiliisinnaajunnaartutut suliaq qaqugorpiaq aallartinneqassanersoq nalunaarummi allaaserineqanngilaq, pisassaqartulli, allatigulluunniit aningaasassaqartut, piumasaqaatitik tunniutissagaat, Kalaallit Nunaanni Eqqartuussiviup kaammattuutigaa.
Piumasaqaatit Kalaallit Nunaanni Eqqartuussivimmut novembarip ulluisa 30-annit kingusinnerpaamik qammatit pingasut ingerlasimaneranni tunniunneqarsimassapput.
AAMMA ATUARUK KNT-p atorunnaarsinneqarnissaa kinguartinneqarpoq
Piumasaqaatit Kalaallit Nunaanni Eqqartuussivimmut novembarip ulluisa 30-annit aallartittumit, qammatit pingasut ingerlaneranni kingusinnerpaamik tunniunneqareersimassapput.
Tunisassiorfik KNT Aps, 2009-mi aallartinneqarpoq, ilaatigut Aalisarnermut Piniarnermullu Naalakkersuisoq, Karl-Kristian Kruse aamma Siumup partiiata allattaanera, Mikael Petersen ilaatigut piginneqataallutik. Tassalu taakku ukiumoortumik naatsorsuutitik, Inuussutissarsiornermut Aqutsisoqarfimmut oktobarip ullusia 21-anni tunniuttussaasimagaluarlugit, taamaaliorsimanatilli.
Tamassumna kingorna Inuussutissarsiornermut Aqutsisoqarfiup piffissarititaasoq novembarip ulluisa 25-annut sivitsorpaat, naatsorsuutilli KNT-p aqutsisuinit tunniunneqanngillat. Piffissarititaasorlu sivitsoqqinneqarpoq, decembarip ulluisa 14-iannut sivitsorneqarluni.
KNT-lli akiliisinnaajunnaarnera tassa nalunaarutigineqarpoq, Kalaallit Nunaannilu Eqqartuussivimmi suliarineqartussanngorluni, marsillu aallaqqaataata missaani tamanna pissagunarluni.
